AlsAwAH_sAwAH
المساهمات : 59
تاريخ التسجيل : 06/02/2008
العمر : 37
الموقع : ارض الاحلام
 |  موضوع: نحلم باليأس ليه تحياتى لكم  الأربعاء مارس 05, 2008 12:55 am | |
|
؟نحلم باليأس ليه
لكل حلم عربى.... عيون شاهدا عليه
سواء كان حلم.... ممكن نعيش فيه
او حلم مستحيل.... يوم نحلم بيه
ولكن دى فـ سؤال.... الحلم مهما كان
مدام الاصل عربى.... نحلم باليأس ليه
ما نحلم حلم عربى.... عشان نقدر عليه
ايدك على ايدى.... نعلى بصوت الغنا
صحوت ضمير عربى.... ننده عليه كلنا
دا الحق لو انسان.... كان قال من زمان
العربى اشجع جبان....فدا المال والغنى
لاهمه اخ يموت....وشطانه لسه غاويه
شطان رجيم وسواسى....قادر يقدر عليه
وعيون ماليها الهم.... والارض لون الدم
وجتات الناس بالكوم.... فيها الرصاص اتلم
وابن العروبة ابكم.... عامل نفسه اصم
شايف بعنيه الناس.... وجتتها فـ كل يم
ومش هاين عليه؟....الناس مقتوله ليه
الناس دوول ناسى.... وهما عملو ايه!
وعيون الناس بتبكى.... معقول يكون دا عربى!
معقوله يسكن فـ ارضى....!دا هو شكله ناسى
اكيد هيفكر فينا.... ويجى يمسك ايدينا
ويقوى العزم فينا....دامهما كان عربى
ومدام الاصل عربى.... نحلم باليأس ليه
مانحلم حلم عربى.... عشان نقدر عليه
من خليجنا لحد محيطنا.... نقدر نمسح دمعتنا
ونكسر جوانا سكوتنا.... ونرفع عنا ذلتنا
دا فـ كل بيت من بيوتنا....صورتنا فيه محطوطة
لما بنموت اكيد....بتفضل موجوده صورتنا
وفـ ايد كل عربى.... يكتب تاريخه بايديه
ونحلم حلم عربى.... عشان نقدر عليه
اطفال مالية الشوارع.... فـ كل زقاق وشارع
بتدافع عن قضية.... وليها الحق دافع
ارفع راسك لفوق....واكسر اى طوق
دا الطفل فـ ايده حجارة.... وفـ ايده التانية شوق
يموت شهيد الوطن....مدفون فـ تراب اراضيه
يموت وهو عربى.... اشرف واطهر ليه
مجازر دار ياسين....وصابرا وشاتيلة وجنين
ومجازر فـ قطاع غزة....وفـ كل اراضى فلسطين
عارفين دا يبقى مين....دا عدو ومن سنين
عمال يقتل فينا.... وينطوحنا شمال ويمين
حالف يخلص علينا.... والــــغدر طبع فيه
وياخد ارضك وارضى.... وعارفين دا كله ليه
لو تبقى ايدنا وحدة....ونداوى فينا جروحنا
ونقوله لاااا خلاص.... احنا بقينا وحدة
هيفكر الف مرة.... قبل ما يدخل بيوتنا
عشان بقى لينا بيت.... وكل بيوتنا وحدة
ومدام الاصل عربى.... نحلم باليأس ليه
مانحلم حلم عربى.... عشان نقدر عليه
تحياتى لكم
| |
|
TimO
المساهمات : 131
تاريخ التسجيل : 25/01/2008
| | موضوع: رد: نحلم باليأس ليه تحياتى لكم الثلاثاء أبريل 01, 2008 1:35 am | |
| | |
|
AlsAwAH_sAwAH
المساهمات : 59
تاريخ التسجيل : 06/02/2008
العمر : 37
الموقع : ارض الاحلام
| | موضوع: رد: نحلم باليأس ليه تحياتى لكم الثلاثاء أبريل 01, 2008 4:27 pm | |
| | |
|
مش هقول اكتر من (جامد) تنفع اغنية شبة الضمير العربي 
والحلم العربي كدة 
