مترفضنيش..............

يا نور في القلب نورلي
جناين قلبي بقدومه
يا صوت الحق جوايا
ما بقدر يوم انا الومه
يا ضله تحت شجرة توت
ينام القلب في حماها
ويدّفي بأحضان السما نومه

أنا خايف عليكْ مني
وخايف قلبي يظلمني
وخايف آجي تصدمني
بكلمة لأ

مترفضنيشْ
ولو فرّق مابينا بلاد
متمنعنيش اقول الحق

حرام قلبي .. أموت م الخوف
وعيني تشوف
سماه تغرق علي شطي
ومتحركش
أنا مقدرش ...

أنا مقدرش يوم انسي
بإنَّك كنت لي مرسي
وحبَّك كان لقلبي زاد
يقويني .. يصبرني .. فمتسبنيش
ولو كان الهوي أوهام
متوهمنيش
وقلها في ودني براحة
ولو كان الكلام جارح
أنا مسامح
وبرضه هعيش
....أنا راجع
ولو فاضل في قلبك ليّ
ذرة حب ....
مترفضنيش